22 Feb 2026

1 Konings 8:1-66

Salomo wy die Tempel wat Hy vir die Here laat bou het in en die Here seën die plek met Sy Teenwoordigheid!

“Omdat die magtige teenwoordigheid van die Here die tempel gevul het, kon die priesters nie met hulle werk voortgaan nie.”
‭‭1 KONINGS‬ ‭8‬:‭11‬ ‭

Hierna bid Salomo vir die mense en kondig die Tempel aan as die plek waar Israel die Here sal kom ontmoet as volk saam.

Verder bid die koning n profetiese gebed en dit is asof hy die hele toekoms van sy volk sien en die toekomstige Jode ook deur sy gebed tot berou en aanbidding roep.
Hy bid oor n ballingskap en n terugkeer maar ook dat Israeliete van oral oor in die rigting van Jerusalem en die Tempel sal bid (v. 44-45).
Ons sien jare later hoe Daniël juis dit doen(Dan. 6:11), want die Teenwoordigheid en Heerlikheid van die Here was toe daar.

Here dankie dat U ons Tempel en Teenwoordigheid is en dat U nou in ons kom woon en ons U Tempels maak!
U Heilige Gees is in ons die volle Teenwoordigheid van God!